كيد المرأة ضد كيد الرجل , من سيغلب؟؟!!


كان في تاجر بسوق القماش وكان كل يوم يسمع قصص اشكال الوان كيف كل وحدة بتغافل جوزا وتطلع تدور بالاسواق..فعمل دفتر وصار يسجل عليه كل مقلب جديد بيسمعه مشان وقت يتجوز يكون حافظ كل كذبات النسوان وبس خلص الدفتر قرر يخطب وفعلا خطب واتجوز وسكر على مرتو بالمفتاح بالنهار مشان ماتطلع من وراه ..وكان مايخليها تطلع ولاتفوت ابدا لا بسبب ولا بدون سبب وصارت كلما تخترعله سبب للطلعه يقلها ماحذرتي مسجلة بالدفتر ..ومافلحت معها ولا كذبة ..قام اجتمعت بجارتها عالاسطوح هي وعم تنشر الغسيلات ..وعزمتها هديك على فنجان قهوة وطبعا اعتذرت بطلة قصتنا لانو مستحيل من البيت طلعتها..
وشكت للجارة همها ومشكلتا وانو جوزا مسجل كل كذبات النسوان ومستحيل تمرق عليه ولا حيلة..قالتلها تعي لعلمك هالمقلب ..وخليلك ياه يحاكي حالو متل الاجدب..بنجيب كم بطيخة كبيرة ومنجيب فراخ سمك صغيرة عايش ومنفتح فتحة صغيرة لنوصل للب ومنسقط كم فرخ مع شوية مي ليضل عايش ومنرجع منسد البطيخة بنفس الشقفة يلي قمناها بحيث ماتبين انها مفتوحة وعلمتها عكمالة المقلب يلي لح تعرفوه بس يجي الرجال...
المهم قالتلها مابقدر جيبون قالتلا انا بامنهم وابعتيه المسا ياخدهن من عندي عاساس ابوه جابهم ..
اجى المنظوم المسا وفتح الباب على بدر الدجى..
قالتله ابن عمي ابوك جبلنا كم بطيخة وانت قافل علي الباب فتركهم عند الجيران ..قام المنظوم وجابهم وعند هالمسا قالتله شو رأيك تدبحلنا وحدة نبل فيها ريقنا..قام الاخ وسما بالله ودبح وحدة فتحها ولا السمك عم يلعبط لعبطة .. صرخ الله اكبر وقلا تعي شوفي شو طلع ..سمك بالبطيخ وهي ساقت معه بالسيرة وسبحت ربها واستغربت...حط السمكات بالبحرة ودبح التانيةونفس الحكاية اتكررت ويرجع يكبر وينط ودبح التالتة والرابعة وكلن نفس الشي ...قلا بكرة عازم كل اهلي واهلك لنفرجيهم هالسمكات وندبح قدامهم كمالة البطيخات قالتله امرك ابن عمي وفعلا من الصبح جهزت واتجهزت وبقية البطيخات من عند الجارة بدلت والبحرة من السمكات فضت واجو الاهل وكل العيلة والكيلة عسيرة السمكات اجتمعت ..قلهم ياجماعة مبارح كل ماندبح بطيخة يطلعنا فيهم فراخ سمك ..صفنوا اهلها واهلو ببعضهم ..قلهم مو مصدقين ؟؟ هي السمك عم يلعبط بالبحرة .اطلعو مالقوا شي ..قلها وين السمكات يامرة قالتله بسم الله على عقلك ابن عمي انو سمكات ...قلا السمكات يلي طلعو من قلب البطيخة قالتله ماطلعنا شي شو عم يصير معك !!قلا قومي يامرة هاتي البطيخات يلي جابهم ابي ..جابت بقية البطيخ وقالتله هدول انت جبتهم بايدك شو نسيت وقله ابوه والله ياابني انا ماجبت شي ...لح ينسطل هداك ..فز وبلش يكسر بهالبطيخ ويقلهم هلأ بتشوفو والله السمك لينط نط قدامكن..ويكسر وحدة ورا وحدة وصار يبحبش بقلب البطيخ متل المجانين فزت هية وقفت بنص هالجنان تبعو وقالت والله ياعمي ومرت عمي هاد حاله من يومين ...عسارة وتحملناها لاروحة ولاجية فهمناها اما يطلع مجنون بالاخير والله مالي قاعدة عندو ولا ساعة ..ركضو اهلها يضبو غراضا واهلو يكبسوه ويقرو عليه ويترجوهم مايفضحوه..
قعد اخونا متل المسطول عم يصفن بيلي صار ..واذ بتهمس بادنه بدر الدجى :
دخلك هي مسجلة عندك بالدفتر ؟؟؟
صحي العينتين عالمقلب وقلا لا والله
ومن يومها شق الدفتر ولمرته استسلم ..قالتله انت حجتني لهالمقلب ..فخليك مساير ويسر مشان لغيره مااحتاج وانت لغيري ماعاد تنفع (طبعا لانو اذا طلقها لح تفضحه بين العالم انو اجدب).
^-^
شو رايكم بدهاء النسوان..
قال تعالى:(إِنَّهُ مِن كَيْدِكُنَّ ۖ إِنَّ كَيْدَكُنَّ عَظِيمٌ (28) يوسف)
وشكت للجارة همها ومشكلتا وانو جوزا مسجل كل كذبات النسوان ومستحيل تمرق عليه ولا حيلة..قالتلها تعي لعلمك هالمقلب ..وخليلك ياه يحاكي حالو متل الاجدب..بنجيب كم بطيخة كبيرة ومنجيب فراخ سمك صغيرة عايش ومنفتح فتحة صغيرة لنوصل للب ومنسقط كم فرخ مع شوية مي ليضل عايش ومنرجع منسد البطيخة بنفس الشقفة يلي قمناها بحيث ماتبين انها مفتوحة وعلمتها عكمالة المقلب يلي لح تعرفوه بس يجي الرجال...المهم قالتلها مابقدر جيبون قالتلا انا بامنهم وابعتيه المسا ياخدهن من عندي عاساس ابوه جابهم ..اجى المنظوم المسا وفتح الباب على بدر الدجى..قالتله ابن عمي ابوك جبلنا كم بطيخة وانت قافل علي الباب فتركهم عند الجيران ..قام المنظوم وجابهم وعند هالمسا قالتله شو رأيك تدبحلنا وحدة نبل فيها ريقنا..قام الاخ وسما بالله ودبح وحدة فتحها ولا السمك عم يلعبط لعبطة .. صرخ الله اكبر وقلا تعي شوفي شو طلع ..سمك بالبطيخ وهي ساقت معه بالسيرة وسبحت ربها واستغربت...حط السمكات بالبحرة ودبح التانيةونفس الحكاية اتكررت ويرجع يكبر وينط ودبح التالتة والرابعة وكلن نفس الشي ...قلا بكرة عازم كل اهلي واهلك لنفرجيهم هالسمكات وندبح قدامهم كمالة البطيخات قالتله امرك ابن عمي وفعلا من الصبح جهزت واتجهزت وبقية البطيخات من عند الجارة بدلت والبحرة من السمكات فضت واجو الاهل وكل العيلة والكيلة عسيرة السمكات اجتمعت ..قلهم ياجماعة مبارح كل ماندبح بطيخة يطلعنا فيهم فراخ سمك ..صفنوا اهلها واهلو ببعضهم ..قلهم مو مصدقين ؟؟ هي السمك عم يلعبط بالبحرة .اطلعو مالقوا شي ..قلها وين السمكات يامرة قالتله بسم الله على عقلك ابن عمي انو سمكات ...قلا السمكات يلي طلعو من قلب البطيخة قالتله ماطلعنا شي شو عم يصير معك !!قلا قومي يامرة هاتي البطيخات يلي جابهم ابي ..جابت بقية البطيخ وقالتله هدول انت جبتهم بايدك شو نسيت وقله ابوه والله ياابني انا ماجبت شي ...لح ينسطل هداك ..فز وبلش يكسر بهالبطيخ ويقلهم هلأ بتشوفو والله السمك لينط نط قدامكن..ويكسر وحدة ورا وحدة وصار يبحبش بقلب البطيخ متل المجانين فزت هية وقفت بنص هالجنان تبعو وقالت والله ياعمي ومرت عمي هاد حاله من يومين ...عسارة وتحملناها لاروحة ولاجية فهمناها اما يطلع مجنون بالاخير والله مالي قاعدة عندو ولا ساعة ..ركضو اهلها يضبو غراضا واهلو يكبسوه ويقرو عليه ويترجوهم مايفضحوه..قعد اخونا متل المسطول عم يصفن بيلي صار ..واذ بتهمس بادنه بدر الدجى :دخلك هي مسجلة عندك بالدفتر ؟؟؟صحي العينتين عالمقلب وقلا لا والله ومن يومها شق الدفتر ولمرته استسلم ..قالتله انت حجتني لهالمقلب ..فخليك مساير ويسر مشان لغيره مااحتاج وانت لغيري ماعاد تنفع (طبعا لانو اذا طلقها لح تفضحه بين العالم انو اجدب).^-^شو رايكم بدهاء النسوان..قال تعالى:(إِنَّهُ مِن كَيْدِكُنَّ ۖ إِنَّ كَيْدَكُنَّ عَظِيمٌ (28) يوسف)

مواضيع ذات صلة


الابتساماتالابتسامات

الأرشيف



المرجو تعطيل مانع الإعلانات من فضلك
Please Disable your Ad Blocker
Veuillez Désactiver votre bloqueur de publicité
Por favor, Desactive el bloqueador de anuncios

[ ? ]