نصائح ذهبيه للعجينة🤗

الأقسام

نصائح ذهبيه للعجينة🤗
بحبكم في الله😘
المعجنات عشان تطلع حلوة زي بتاعت برا وهشة هقولك ازاي😘
١- السكر الكتير بيموت الخميرة 😂😂
ايه دا .. دا كل الشيفات بيقولوا حطوا سكر عشان تتفاعل

لا يا حبايبي دا بلح جدا .. الملح لو اتحط مباشر عالخميرة تموت والسكر لو اتحط كتير نفس التأثير.. فلو هتحطي يبقى معلقة صغيرة سكر مش اكتر لو عايزين الخميرة تشتغل احسن يبقى معلقة عسل ابيض
السكر الافضل اخلطيه مع الدقيق مش مباشر مع الخميرة
طب والملح
ضيفيه بعد ما تكوني لميتي الدقيق والخميرة مع الماية
٢ - الخميرة الكتير بتبوظ طعم المعجنات .. الافضل ان لكل كيلو دقيق معلقة كبيرة خميرة فورية
٣- الخميرة الطازة "البيرة" متقعدش عندك اكتر من اسبوع حتى لو في الفريزر
- بلاش محسن خبز
٤- العجن بقى
على اد ما تقدري اعجني ... عشان تطلعي عجينة حلوة مدة العجن متقلش عن ربع ساعة متواضل لو في العجانة لو على ايديكي .. يبقى ٢٥ دقيقة اقل حاجة 😢😢
٥- طبعا الكوكيز والبسكوت والكحك والكيكات مش بتتعجن عشان منحررش الجلوتين يادوب الدقيق يختلط مع باقي المكونات وهبقى اقولكم في بوست منفصل عن اسرار نجاحهم
- بلاش محسن خبز
٦- اضربي العجين
ايه اللي بتقوليه دا حرام
لا مش حرام .. اضربي العجين وشيليه لفوق واهبديه على الرخامة كأنك بتتنتقمي منه عشان يبقى هش جدا زي القطن 😊😊
- بلاش محسن خبز
٧ - الزيت او الزبدة بيطروا العجين ..
٨- اللبن البودرة بيطري العجين
- بلاش محسن خبز
٩ - المعجنات اللي فيها بيض بتستوي على ١٨٠ عشان تستوي مظبوط .. المعجنات اللي مفيهاش بيضمن ٢٠٠ ل ٢٢٠
١٠- لما تسيبي العجين يخمر غطية ببلاستيك راب عشان وشه مينشفش ..
١١- العجين يخمر في مكان دافي ولازم يتضاعف حجمه
١٢- متعجنيش العجين تاني بعد ما اتخمر .. هتموت الخميرة اللي نشطت .. لميه على بعضه براااااااحة
١٣ - الشخص اللي قال ولعي الفرن على نار هادية جدا وبعدين اطفيه وسيبي العجين يخمر فيه شخص فاااااااااشل ومبيفهمش لانك بتبوظي العجين وهيطلع مكتوم ووحش ووشه ناشف
١٤- بعد ما تخمري العجين سيبيه في التلاجة ليلة كاملة هتاخدي احسن عجين زي برا بالظبط .. بس لو مستعجلة اشتغلي فيه عادي واتوكلي على الله هيبقى تمام جدا بردو
دي خلاصة تجارب كتير جدا مع المعجنات وصدقيني امشي عليها مظبوط هتطلع معاكي تمام زي بتاع بره
رايحة فين اكتبي تعليقك ☺️

مواضيع ذات صلة


الابتساماتالابتسامات

الأرشيف



المرجو تعطيل مانع الإعلانات من فضلك
Please Disable your Ad Blocker
Veuillez Désactiver votre bloqueur de publicité
Por favor, Desactive el bloqueador de anuncios

[ ? ]